Մեր մասին

Առաքելություն և արժեքներ

Հայաստանն անկախացել է 1991-ին, սակայն երկրի ներկա վիճակը դեռ ստվերված է պատմության դառը էջերով։ Մոտ մեկ հազարամյակ առաջ կորցնելով ազգային պետականությունը՝ Հայաստանը աստիճանաբար կորցրել է նաև ազգային ինստիտուտների և կառավարող վերնախավի մեծ մասը։ Այս ընթացքը ի վերջո հանգեցրել է հայոց պատմական հայրենիքի մեծագույն մասի, և բնակչության ահռելի զանգվածի կորստի, որպես արդյունք Օսմանյան կայսրության կողմից իրականացրած Հայոց ցեղասպանության։

 

Հայաստանի անկախ հանրապետության ստեղծումը 1991-ին և 1994-ին Արցախյան պատերազմում տարած հաղթանակը պատմության անկումային ընթացքը շրջելու և ազգային վերածննդի կայուն հիմք ստեղծելու եզակի հնարավորութուն բացեցին։ Աշխարհով սփռված հայությունը վերջապես հնարավորություն ստացավ կառուցել մրցունակ, զարգացած և մարդակենտրոն պետություն՝ պատմական հայրենիքի պահպանված մասում։ Սակայն նորանկախ պետության ամրապնդումն ու հարատևությունն ապահովելու ճանապարհին Հայաստանը բախվում է մի շարք կրիտիկական մարտահրավերների, և հենց դա է ի վերջո հանգեցրել ցավալի կորուստների վերջին շրջանում։

 

«Արար» հիմնադրամի ստեղծման նպատակն է հասցեագրել այս մարտահրավերները, և գործընկերների ու համագործակցային լայն շրջանակի օժանդակությամբ, մշակել և իրականացնել իրատեսական, բայց միաժամանակ հավակնոտ լուծումներ, որոնք կօգնեն ուժեղացնել ժամանակակից Հայաստանը։ Դարերի ընթացքում կուտակված այդ մարտահրավերների հասցեագրումը մեծ համբերություն, նորարար մոտեցումներ և հետևողականություն է պահանջելու՝ գործելով քաղաքական շրջափուլերից դուրս։

Պատմություն

2006թ. մի խումբ համակիրներ ստեղծեցին «5165» ակումբը, որի հիմնական առաքելությունը հայաստանակենտրոն հայության համար կարևոր թեմաների շուրջ քննարկումների հարթակ ստեղծելն էր: Այդ հարթակից հետագայում ծնվեցին տարբեր նախաձեռնություններ և կազմակերպություններ, այդ թվում՝ «Վերադարձ Հայաստան» և «Արար» հիմնադրամները: Ակումբի քննարկումները նվիրված են այնպիսի թեմաների, ինչպես օրինակ՝ հայկական ինքնությունն արդի դարաշրջանում, Հայաստանի շուրջ ծավալվող աշխարհաքաղաքական և սոցիալ-տնտեսական զարգացումները, Հայաստանում մշակութային վերափոխման հնարավորությունները և այլն: Ակումբը համարվում է համակիրների ոչ ֆորմալ միավորում:

Լուծումներ գտնել Հայաստանի առջև ծառացած ամենակրիտիկական մարտահրավերների համար:

Հոգաբարձուների խորհուրդ

Դավիթ Փախչանյան

հոգաբարձուների խորհրդի նախագահ

Արթուր Ալավերդյան

հոգաբարձուների խորհրդի անդամ

Ավետիք Չալաբյան

հոգաբարձուների խորհրդի անդամ

Մանուկ Հերգնյան

հոգաբարձուների խորհրդի անդամ

Իգոր Զարգարյան

հոգաբարձուների խորհրդի անդամ

Ջորջ Տաբակյան

գործադիր տնօրեն

Լուծումներ գտնել Հայաստանի առջև ծառացած ամենակրիտիկական մարտահրավերների համար: